L’orario
e ‘a strada
pè truvà pace
e cammenà cuieto,
pè fà capì a te stesso
cumm’è ‘o penziero
ca tu tiene ncapa,
si sàpe ‘e sale
si ha pigliato ‘e fummo
si vale ‘a pena
invece
d’ ‘o penzà,
a Roma chesta strada ce sta sempe.
‘A truove sempe ‘a strada
‘a piazza
‘o vico:
se trova all’alba
‘e juorno
‘e notte, sempe.
Attuorno siente ‘a musica d’ ‘e vvoce,
pè ll’aria
‘a luce e ll’ombra d’ ‘e parole:
parole grosse e chelli piccerelle.
Truove ‘e muntagne
‘o verde d’ ‘a campagna
‘e ccase d’oro
ca se fanno rosse

‘e ramma
comm’attone,
e doppo ‘argiento…
Te truove overamente ncopp’ ‘o munno
cuieto e sulo
stanno ncumpagnia
e stienne ‘o passo nzieme c’ ‘o penziero.
(E. De Filippo)
Advertisements